Өнгөрсөн сард эхэлсэн ХАМАС, Израилын дайны улмаас 10 мянга гаруй хүүхэд амиа алдсаны 4000 нь хүүхэд байгаа талаар НҮБ мэдэгдэж байсан.
НҮБ-ын Палестины дүрвэгчдэд туслах, арга хэмжээ зохион байгуулах Ойрх Дорнодын агентлагын мэдээлснээр, Палестин, Израилын сөргөлдөөн хурцадсаны улмаас 10 минут тутамд нэг палестин хүүхэд амиа алдаж байгаа гэнэ.
"Дунджаар, 10 минут тутамд нэг хүүхэд амиа алдаж, хоёр хүүхэд шархдаж байна" гэж Ойрх Дорнодын агентлаг Х сүлжээнд нийтэлсэн мэдэгдэлдээ онцолжээ. Түүнчлэн энэ агентлаг сөргөлдөөний үеэр энгийн иргэдийг хамгаалахыг уриалсан байна.
Өмнө нь НҮБ-ын Ерөнхий нарийн бичгийн дарга Антониу Гутерриш хэвлэлийн бага хурлын үеэр мэдэгдэл хийхдээ "Газа хүүхдүүдийн оршуулгын газар болон хувирч байна" хэмээн онцолж байлаа. Тэрбээр "өдөр бүр олон зуун охин, хөвгүүн амиа алдаж, шархдаж байна" хэмээн мэдэгдэж байв.
Г.Бямбасүрэн
| Уншиж байна |