Чехийн инфлүнсер, хөтлөгч Казма нэрээрээ алдартай  Камил Бартошек нэг сая долларыг нисдэг тэрэгнээс цацжээ. Энэ талаар Brainee мэдээлсэн байна.

Эх сурвалжийн мэдээлснээр,  "Onemanshow: The Movie" кинондоо багтаасан нууц кодыг тайлсан хүнд асар их мөнгө өгнө гэж тэрбээр амалсан аж. Харин түүний киног үзсэн нэг ч хүн энэ даалгаврыг биелүүлж чадаагүй байна. 

Ингээд нууц кодыг тайлах даалгаврыг хэн ч биелүүлж чадаагүй ч Бартошек амалсан нэг сая доллараа өөртөө үлдээхийг хүссэнгүй, харин түүний шүтэн бишрэгчид мөнгө хүртэх эрхтэй гэж үзжээ. Улмаар тэрбээр өөрийг нь дагадаг хүмүүст байршлын шифр явуулж, энэ газар руу нэг сая долларыг тэнгэрээс цацах нисдэг тэрэг илгээсэн байна.

Энэ газар нь Лиса-над-Лабем хотын ойролцоох газар байсан гэнэ. Энд олон зуун хүн цуглан, тэнгэрээс цацсан сая долларыг нэг цагийн дотор түүн авчээ.

Г.Бямбасүрэн