ОХУ Хойд Солонгост цэргийн технологи өгвөл Өмнөд Солонгос Оросын эсрэг хориг тавихаас аргагүй болно гэж Хоёр Солонгосын нэгдлийн асуудал эрхэлсэн сайд Ким Ен Хо мэдэгджээ.
"Орос улс Хойд Солонгост цэргийн технологи санал болговол энэ нь Өмнөд Солонгосын аюулгүй байдалд ноцтой аюул занал учруулна. Ийм алхам хийвэл бид АНУ болон бусад орнуудын хамтаар Орос болон Хойд Солонгосын эсрэг хүчтэй хориг арга хэмжээ авч хэрэгжүүлнэ" хэмээн Ким Ен Хо "Ёнхап" агентлагт өгсөн ярилцлагадаа онцолжээ.
Харин одоогоор Өмнөд Солонгос Оросын эсрэг нэг талт хориг арга хэмжээ авах талаар төлөвлөөгүй байгаа гэнэ. Гэхдээ ОХУ, Хойд Солонгосын хооронд цэргийн технологи нийлүүлж, Хойд Солонгос өдөөн хатгавал Оросын эсрэг хориг тавина гэж онцолсон байна.
Г.Бямбасүрэн
| Уншиж байна |