Газрын дундад тэнгист, Францын Корсик арлын өмнөд эрэг орчимд онгоц сүйрч, зорчигчид бүгд амиа алдсан талаар ТАСС агентлаг мэдээлжээ. 

Эх сурвалжийн мэдээлснээр, 10 дугаар сарын 12-ны өдөр Проприанод жуулчдыг суулгасан жижиг онгоц хөөрснийхөө дараа тэнгист унасан байна. Аврагчид ослын газар яаралтай ирж, аврах ажиллагаанд хоёр хөлөг онгоц, гурван нисдэг тэрэг дайчилсан ч хүмүүсийг аварч чадаагүй аж.

Осол болсон даруйд аврах ажиллагааг эхлүүлж, онгоцонд байсан дөрвөн хүнийг олсон ч тэд бүгд амиа алдсан, сэхээн амьдруулах тусламж үзүүлсэн ч бүтэлгүйтсэн гэж эх сурвалж мэдээлжээ. 

Г.Бямбасүрэн