ХАМАС, Израилын хооронд дайн дэгдэж, нөхцөл байдал нэн хурцадсаны улмаас дэлхийн улс орнууд Израилаас иргэдээ яаралтай нүүлгэн шилжүүлэх ажлыг зохион байгуулж байна. 

Эдгээр орнуудын нэг болох Япон улс 10 дугаар сарын 14-ний өдөр Израилаас иргэдээ нүүлгэн шилжүүлэхийн тулд чартер нислэг үйлдэхээр болжээ. "Израилтай харилцах агаарын харилцаа зогсоогүй, гэхдээ нислэгийн тоо багассан. Энэ нөхцөл байдлыг харгалзан бид Израилаас явах хүсэлтэй байгаа иргэдийн тоог гаргасан. Ингээд бид Тель-Авиваас Дуай хүрэх чартер нислэгийг 10 дугаар сарын 14-ний өдөр зохион байгуулахаар боллоо" хэмээн Японы Засгийн газар мэдэгдсэн байна. 

Түүнчлэн иргэдийнхээ аюулгүй байдлыг хангах үүднээс энэ нислэгээр хичнээн хүн ирэх талаар мэдээлэл өгөөгүй аж. Мөн цаашид ийм нислэг үйлдэх талаар ч мэдээлэл өгөхөөс татгалзжээ.

Г.Бямбасүрэн