Украин 2015 оноос эхлэн Зөвлөлтийн үеийн хөшөө дурсгалыг буулгах ажлыг эхлүүлж, 2022 онд ОХУ Украин руу халдсаны дараа энэ ажлыг эрчимжүүлж, олон хөшөө буулгасан юм. Энэ удаад Украины эрх баригчид Зоя Космодемьянскаягийн хөшөөг буулгахаар болжээ. 

УНИАН сайтын мэдээлснээр, Зөвлөлт Холбоот Улсын Баатар Зоя Космодемьянскагийн хөшөөг буулгах шийдвэрийг Одесс мужийн Белгород-Днестровский хотын эрх баригчид гаргасан байна. Энэ хөшөө хотын дунд сургуулийн орчимд байдаг аж. Өмнө нь тодорхой түүхэн  хүнд хамаарна гэсэн баримт байхгүй байсан тул энэ хөшөөг буулгаагүй байжээ. 

Энд дуулгахад, Украинд 2015 оноос хойш Зөвлөлтийн үеийн дурсгалтай тэмцэх ажил идэвхтэй өрнөж байгаа юм. Коммунизмын үеийн хөшөө дурсгал, нэршлийг үгүй болгох тухай тусгасан хууль Украинд батлагдсанаас хойш энэ улсад 2,5 мянган хөшөө дурсгал буулгаж, 900 суурин газрын нэрийг өөрчилжээ. 

Г.Бямбасүрэн