АНУ-ын Тэнгисийн цэргийн хүчний алба хаагч Вэньхэн Жао Хятадын тагнуулын албанд нууц мэдээлэл дамжуулсныхаа төлөө авлига авсан гэдгээ хүлээн зөвшөөрчээ. Энэ талаар Ройтерс агентлаг мэдээлсэн байна. 

Эх сурвалжийн мэдээлснээр, өдгөө 26 настай цэргийн алба хаагч Энэтхэг, Номхон далайн бүс нутаг дахь АНУ-ын цэргийн сургуулилалтын төлөвлөгөөний гэрэл зургуудыг авч Хятадын зааварлагчдаа илгээжээ. Түүнчлэн Японы Окинава дахь АНУ-ын цэргийн бааз дахь радиолокацийн системийн зураг, схемийг ч дамжуулсан байна. Тэрбээр БНХАУ-ын талд дамжуулсан мэдээллүүдийнхээ төлөө нийт 15 мянга орчим долларын шан харамж авчээ. 

Вэньхэн Жаог нууц мэдээлэл дамжуулсны төлөө хэрэг үүсгэн, шүүх хурлаар оруулахаар зэхэж байгаа бөгөөд мөрдөн байцаалтын явцад тэрбээр гэм буруугаа хүлээсэн байна. Цаашлаад шүүхээс Жаог гэм буруутай гэж үзвэл улсын нууц задруулсных нь төлөө 20 хүртэлх жилийн хорих ял оноох аж. 

Г.Бямбасүрэн