Палестины ХАМАС бүлэглэл 10 дугаар сарын долооны өдөр  Израил руу халдсанаар, Палестин, Израилын зэвсэгт сөргөлдөөн эхэлсэн. Израил ХАМАС-ын дайралтын хариу болгож Газын зурвасыг бөмбөгдөж эхэлснээр олон мянган хүн орон гэрээ орхихоос аргагүй болжээ. 

Сөргөлдөөн эхэлснээс хойш Газын зурвасын 264 мянган оршин суугч орон гэрээ орхихоос аргагүй болсон гэж НҮБ мэдэгдсэн байна. Тэдний 175 мянга нь НҮБ-ын Ойрх Дорнодын агентлагийн салбар байгууллагуудад хандан орогнол хүсчээ. 

ХАМАС бүлэглэлийн дайралтын хариуд өгч буй Израилын агаарын цэргийн хүчний цохилт одоо ч Газын зурваст үргэлжилсээр байна. ХАМАС-ын дайралтын улмаас Израилд 1200 хүн амиа алдаж, 3000 гаруй хүн шархаджээ. Харин Израилын хариу цохилтын дүнд 830 палестин амиа алдаж, 4250 хүн шархадсан байна.

Г.Бямбасүрэн