АНУ Иранаас хураасан сум, зэвсгийг Украинд өгөхөөр болсон талаар Америкийн албан тушаалтнуудаас авсан эх сурвалжтайгаар CNN агентлаг мэдээлжээ. 

Ингэснээр АНУ болон холбоотнуудаас нэмэлт хөрөнгө, техник хүлээж байгаа Украины цэргүүдийн зэвсгийн хомсдолыг бага ч атугай шийдэх боломжтой гэж АНУ үзэж байгаа аж. Иранаас хураасан зэр зэвсгээс нэг сая гаруй сумыг даваа гарагт Украины талд шилжүүлэн өгсөн байна.

Сүүлийн нэг жилийн хугацаанд Иран Йемен рүү зэвсэг нийлүүлэхэд ашигладаг хөлөг онгоцууд дээрээс АНУ-ын Тэнгисийн цэргийн хүчин олон мянган автомат буу, сая гаруй сум хураасан бөгөөд эдгээр нь агуулахад хадгалагдаж байгаа аж.

Г.Бямбасүрэн