Орон сууц түрээсийн үйлчилгээ үзүүлдэг Airbnb компани үлгэрийн байшин түрээслүүлэх гэж байгаа талаараа зарласныг Insider мэдээлжээ.

Эх сурвалжийн мэдээлснээр, DreamWorks Animation-ы бүтээсэн "Шрек" кинон дээр гардаг шиг намагт байх байшинг 10 дугаар сарын сүүлийн амралтын өдрүүдэд түрээслэх болможтой гэнэ. Компанийнхан хүсэлт гаргасан хүмүүсээс сонгох бөгөөд тухайн сонгогдсон хүн энэ байшинд үнэ төлбөргүй амьдрах аж.

Шрекийн байшинд зочилсон хүмүүст өглөө нь амтат жигнэмгээр дайлах гэнэ. Гайхалтай үзэсгэлэнтэй, олны дуу чимээнээс хол байх буйдхан газарт ганцхан дутагдалтай тал байгаа нь бие засах газар нь байшингаас 20 метрийн зайд байдаг аж. Шотландын Хайлендад байх бөгөөд энэ газарт хясаагаар хийсэн байшин, модон дээрх байшин гээд амьдрахад тун сонин содон олон байшин байгаа гэнэ.

Г.Бямбасүрэн