“МИАТ” ТӨХК-д 2024 оны нислэгийн хугацаанд түр ажиллах бүхээгийн ажилтны сонгон шалгаруулалтад урьж байна

Ажлын байрны нэр: БҮХЭЭГИЙН АЖИЛТАН

Гүйцэтгэх үндсэн үүрэг: Олон улсын иргэний нисэхийн байгууллага (ICAO), Олон улсын агаарын тээврийн холбоо (IATA)-ны холбогдох стандарт, Монгол Улсын ИНБД, МИАТ ТӨХК-ийн Нислэгийн үйл ажиллагааны заавар, стандарт, Нислэгийн аюулгүй ажиллагааг ханган, Агаарын хөлгийн бүхээгт зорчигчдод үйлчилгээ үзүүлэх, шаардлагатай үед эмнэлгийн анхан шатны тусламж үзүүлэх, онцгой тохиолдлын үед зорчигчдыг авран хамгаалах үйл ажиллагааг зохион байгуулах үүрэг хүлээнэ.

ТАВИГДАХ ШААРДЛАГА:

- Англи хэлний мэдлэг: Англи хэлний TOEIC-ийн 500 оноо болон түүнээс дээш байх

- Хоёрдогч хэл: Орос, Герман, Хятад, Солонгос, Япон хэлний аль нэгийг эзэмшсэн бол давуу тал болно. (яриа болон бичгийн чадвартай)

- Нийтэч, багаар хамтран ажиллах, бие даан суралцах чадвартай

- Цаг баримталдаг, харилцааны өндөр соёлтой, хариуцлагатай байх, хувийн зохион байгуулалт сайтай

- Ачаалал даах чадвартай

Биеийн өндөр:

- Эр: 175-185 см

- Эм: 165-175 см

Нас :

- Эрэгтэй, эмэгтэй: 21-28

(Жич: Бүхээгийн ажилтан бэлтгэх сургалтад хамрагдаж гэрчилгээ авсан 30 хүртэл насны эрэгтэй, эмэгтэй хүмүүс сонгон шалгаруулалтад оролцож болно.)

БҮРДҮҮЛЭХ МАТЕРИАЛ

- Сонгон шалгаруулалтын анкетыг бүрэн бөглөсөн байх (www.miat.com вебсайтаас татаж авах)

- Бакалавр болон түүнээс дээш боловсролын гэрчилгээний хуулбар

- Англи хэлний TOEIC 500 (шалгалтын хуудас эх хувиар)

- Иргэний үнэмлэхний хуулбар

- 3.5*4.5 хэмжээтэй цээж зураг 2 хувь

- 9*12 хэмжээтэй бүтэн биеэр авахуулсан зураг 1 хувь, (Ажил хэрэгч хувцастай,засваргүй, сүүлийн 1 сарын дотор авахуулсан зураг)

- Хар тамхи, мансууруулах төрлийн бодисын хэрэглээнээс ангид гэдгийг нотлох эрүүл мэндийн байгууллагын шинжилгээний хариу эх хувиар /Сэтгэцийн эрүүл мэндийн үндэсний төвд өгөх ба шинжилгээ өгөхдөө бичиг баримттайгаа очих/

Жич: Зөвхөн анкетын сонгон шалгаруулалтад тэнцсэн ажил горилогчийг ажлын ярилцлагад дуудах болно.

Материалыг “МИАТ” ТӨХК-ийн төв байрны 105 тоотод 2023 оны 09-р сарын 18-ны өдрөөс 2023 оны 10-р сарын 02-ны өдрүүдэд 09:00-16:00 цагийн хооронд хүлээн авна. Сонгон шалгаруулалтад оролцох хүсэлтэй хүмүүс дээрх материалыг гүйцэд бүрдүүлж, өөрийн биеэр дурдсан хугацаанд авчирч өгнө үү.

Материалыг хүлээн авах хаяг:

Байгууллагын хаяг: Улаанбаатар хот, Хан-Уул дүүрэг, 21 дүгээр хороо, Буянт-Ухаа-45, МИАТ компани төв байр, Холбоо барих утас: 7004-9958