Нидерландын Засгийн газар 2024 оны нэгдүгээр сарын нэгнээс эхлэн сурагчдыг ангидаа гар утас авчрахыг хориглохоор зэхэж байгаа гэнэ. Энэ нь эрхзүйн баримт бичиг биш харин зөвлөмж хэлбэрээр гарах аж. 

Эрх баригчдын мэдэгдсэнээр, гар утас, планшет, ухаалаг цаг зэргийг хичээл дээр авчирснаар сурагчдын анхаарлыг сарниулж, улмаар сурлагын амжилтад сөргөөр нөлөөлдөг тул ийм шийдвэр гаргахаар зэхэж байгаа юм байна. Зөвлөмж гаргаснаар, ухаалаг өтхөөрөмжүүдийг сургалтад шаардлагатай эсвэл эмнэлгийн заалтаар ашиглах хэрэгтэй үед л хичээл дээр авчрахыг зөвшөөрөх аж.

Нидерландын Боловсролын сайдын мэдэгдсэнээр, энэ шаардлага зөвлөмж хэлбэрээр гарах тул сургуулиуд хэрхэн хориг тавихыг өөрсдөө шийдэх гэнэ. Зөвлөмж хэлбэрээр гаргасан гар утас хориглох шийдвэр 2024 оны зун гэхэд үр дүнгээ өгөхгүй бол эрхзүйн баримт бичиг гаргахаар төлөвлөжээ.

Г.Бямбасүрэн