Нийслэлийн Засаг даргын ивээл дор "Гэгээн муза" наадмыг 17 дахь удаагаа зохион байгуулах гэж буйтай холбоотойгоор мэдээлэл өглөө. 

МУАЖ, "Гэгээн Муза" академийн тэргүүн С.Сарантуяа

Бид үндсэн таван төрлөөр драмын урлагийн уран бүтээлчдийг шалгаруулдаг. Нэгдүгээр үе шатанд уран бүтээлчдийн өөрсдийнх нь өгсөн мэдүүлгийн дагуу шүүгчид биечлэн болон бичлэгээр очиж бүтээлүүдээ үздэг. Энэ удаагийн наадамд 60 гаруй уран бүтээл ирсэн. 

Мөн энэ жил дөрвөн үндсэн буюу драм, хүүхдийн, нэг хүний, хоёр хүний жүжгийн төрөл орсон. Харин хөгжимт жүжгийн төрөл шаардлага хангахгүй байсан учраас энэ удаагийн наадмаас хасагдсан. 

Энэ удаагийн наадамд гадаадын 22 орны 33 бүтээл ирсэн. Найман бүтээл шалгарсан. Энэ удаад шүүгчдийн бүрэлдэхүүнд гаднаас дөрвөн хүн ажиллахаар болсон. 

"Гэгээн Муза 17" олон улсын театрын наадмын хоёрдугаар шатны шалгаруулалтын тоглолтуудыг ирэх есдүгээр сарын 7-14-ний өдрүүдэд Улаанбаатар хотноо зохион байгуулахаар болжээ. Мөн есдүгээр сарын 15-нд Чингисийн хүрээ цогцолборт "Нүүдэлчдийн соёл, сэтгэлгээ мэргэжлийн театрын үндэс" сэдэвт олон улсын эрдэм шинжилгээний хурал зохион байгуулах юм.

Моно жүжгийн төрөлд нэр дэвшигчид:

"Хэмхэрхий дүрснүүд" /найруулагч Эрдэнэ-Очир, зураач Эрдэнэжаргал, Мөнхчимэг/
"Галт шувуу"  /найруулагч Жавхлантөгс, зураач Бат-эрдэнэ, шилдэг эмэгтэй дүр Одгэрэл/
"Би ирлээ" /найруулагч Адъяабаатар, шилдэг эрэгтэй дүр Батмөнх/
"Ричард гурав" /шилдэг эрэгтэй дүр Даваахүү/
Италийн "Элвад үйлдвэрлэв" жүжиг
Польшийн "Элсэн цаг"
"Салхин сүйт бүсгүй"

Драмын жүжгийн төрөлд нэр дэвшигчид:

"Сычуаний сайн хүн" /найруулагч Ёндоншарав, шилдэг эрэгтэй гол дүр Ялалт, эмэгтэй дүр Хулан, эмэгтэй туслах дүр Сувд/
"Тамгагүй төр" /Шилдэг найруулагч Б.Баатар, шилдэг хөгжмийн зохиолч Бирваа, эрэгтэй гол дүр Д.Эрдэнэбилэг, С.Болд-Эрдэнэ, эмэгтэй дүр Уранчимэг, туслах эмэгтэй дүр О.Дөлгөөн/
"Опал" /эрэгтэй туслах дүр Төмөрбаатар, эмэгтэй гол дүр Энхтуул, эрэгтэй гол дүр Сэргэлэн, хөгжмийн зохиолч Цэцэн, Нямхүү, зураач Баярмагнай/
"Шөнө буусан аадар" /Хөгжмийн зохиол Ган-Эрдэнэ, эрэгтэй дүр Эрхэмбаяр, эмэгтэй дүр Д.Ганцэцэг, шилдэг эрэгтэй туслах дүр Л.Сөрөлт, туслах эмэгтэй дүр Ч.Баярмаа/
"Инээмтгий хүн" /эрэгтэй дүр Ц.Төмөрхуяг, туслах дүр О.Итгэл, гол эмэгтэй дүр Энэрэл/
"Ууган хүү "

Хүүхдийн жүжгийн төрөлд нэр дэвшигчид:

"Миний аав суупер баатар" /найруулагч, зохиолч Б.Мөнх-Амьдрал, Асардарь, Отгонцэцэг/
"Асаж буй толгод" /тайзны зураач Сайханбаяр, Эрдэнэхүү, найруулагч зохиолч Мишээл/
"Шидэт модны үр" /шилдэг найруулагч, дүр Хишигсүрэн,  Дунгаамаа, Хашцэцэг/
"Хамгийн том олз" /зохиолч Мандал, найруулагч Дашзэвэг, тайзны зураач Бат-Эрдэнэ, гол дүр Гансэлэм/
"Модон зам" /шилдэг найруулагч Батнайрамдал, зураач Бат-Эрдэнэ, гол дүр Сүхбаатар, эмэгтэй гол дүр Дарь Цэрэнчимэг/\

"Хоёр хүний жүжгийн төрөлд нэр дэвшигчид:

"Хунгийн дуу" /шилдэг эрэгтэй дүр Бат-Эрдэнэ/
"100 иений тус" /найруулагч Амартүвшин, Ариунтуяа, эрэгтэй дүр Мөнхбаатар/
Румыний "1001 шөнийн үлгэр"
Буркина фасогийн "Задлан"
Уругвайн "Рио"
Солонгосын "Зэрлэг" жүжиг