Япон улс Оросын эсрэг тавих хориг арга хэмжээний жагсаалтаа өргөжүүлж, ОХУ-ын 17 хувь хүн, 78 байгууллагыг хоригт багтаажээ. Энэ талаар Японы Засгийн газар мэдэгдсэнийг NHK дамжуулсан байна.

Тодруулбал, үүрэн холбоо, утсан холбоо, интернетийн үйлчилгээ үзүүлдэг, ОХУ-ын холбоо харилцааны томоохон компани болох "МегаФон", дизель ачааны машин, хөдөлгүүр үйлдвэрлэдэг "Камаз" зэрэг байгууллагууд хоригт багтжээ. Түүнчлэн Оросын 80 компанийн экспорт, Орост барилга, инженерийн үйлчилгээ үзүүлэхийг зургадугаар сарын хоёрны өдрөөс эхлэн хориглосон байна.

Хоригт багтсан хувь хүмүүсийн дунд ОХУ-ын Агаарын десантын цэргийн командлагч хурандаа генерал Сергей Каракаев, сэтгүүлч Ольга Скабеева, "Спарт" батальоны командлагч Артем Жога, өөрсдийгөө тунхагласан Луганск, Донецк улс, Запорож, Херсон мужуудын албан тушаалтнууд, прокурорууд багтжээ. 

Г.Бямбасүрэн