Украины 20 орчим цэргийн алба хаагч Их Британид дөрөв дэх үеийн сөнөөгч F-16 онгоц жолоодох анхан шатны сургалтад хамрагдахаар болжээ. Энэ талаар Британийн Засгийн газраас авсан эх сурвалжтайгаар  Foreign Policy сэтгүүл мэдээлсэн байна. 

"Украины нисгэгчдийг суурь бэлтгэлт хамруулж, дараа нь тэд F-16 сөнөөгч онгоц жолоодох тусгай бэлтгэлд хамрагдана" гэж сэтгүүлд мэдээлэл өгсөн эх сурвалж өгүүлжээ. Харин энэ сургалт хэзээ эхлэх, бусад орнууд энэ төрлийн сургалт зохион байгуулах эсэх талаар тодорхой мэдээлэл өгөөгүй байна.

Өмнө нь Их Британийн Ерөнхий сайд Риши Сунакийн төлөөлөгч мэдэгдэл хийхдээ Их Британи Украинд нэн шаардлагатай цэргийн агаарын техникийн хэрэгслийг аль болох хурдан нийлүүлэхийг эрмэлзэж байгаа хэмээж байв.

Г.Бямбасүрэн