Украины нисгэгчдийг F-16 сөнөөгч онгоцууд дээр бэлтгэх сургалт Польш зэрэг хэд хэдэн оронд эхэлжээ. Тун удахгүй Украин энэ төрлийн сөнөөгч онгоцыг хүлээн авна гэж Европын холбооны гадаад бодлогын албаны тэргүүн Жозеп Боррель мэдэгдсэн байна.
" F-16 дээр нисгэгчдийг, бэлтгэх ажил хэд хэдэн оронд хэдийнэ эхэлсэн гэдгийг дуулгахдаа таатай байна. Энэ сургалтад цаг хугацаа шаардлагатай. Гэхдээ эрт дуусах тусам сайн. Энэ нь онгоцыг удалгүй нийлүүлэх хаалгыг нээж өгөх юм" хэмээн Боррель мэдэгджээ.
Түүнчлэн, Европын холбоонд өрнөсөн хэлэлцүүлэг үргэлж зорилгодоо хүрдэг, танк нийлүүлэх тал дээр олон хүн итгэлгүй хандаж байсан ч нийлүүлсэн, онгоцыг ч мөн нийлүүлнэ, цаашдаа Украин руу зэвсэг нийлүүлэх бүхий л асуудлыг шийднэ хэмээн тэрбээр онцолсон байна.
Г.Бямбасүрэн
| Уншиж байна |