Италид галт уул сэрсний улмаас Катанийн нисэх буудлын зурвас үнс нурманд дарагдаж, нисэх буудлын ажиллагааг түр зогсоохоор болсон талаарх мэдээлэл даваа гарагт гарч байсан. Мөн ийм шалтгааны улмаас Мексикийн нисэх буудлыг хаажээ. 

Евроньюс агентлагийн мэдээлснээр, Попокатепетль галт уул сэрсний улмаас Пуэбла хотын нисэх буудлын үйл ажиллагааг зогсоосон байна. Галт уулын үнс нурам нисэх буудлын хөөрөх-газардах зурваст унасны улмаас онгоц аюулгүй хөөрөх, газардах боломжгүй болж, улмаар ийм шийдвэгр гаргажээ. Түүнчлэн 10 мянган үзэгчийн багтаамжтай орон нутгийн цэнгэлдэх хүрээлэнд явагдаж байсан бейсболын тоглолтуудыг түр зогсоосон байна.

Хотын оршин суугчдыг задгай талбайд хоол хүнс бэлтгэх, хоол идэхээс зайлсхийхийг хотын захиргаа уриалсан байна. Мөн энэ мужийн 11 хотод сургуулиудын хичээлийг түр зогсоожээ.

Г.Бямбасүрэн