Япон улсад G7-ийн дээд хэмжээний уулзалт болж өнгөрлөө. Энэ уулзалтад Украины Ерөнхийлөгч Володимир Зеленский биечлэн оролцож, бусад оролцогч талууд Украинд үзүүлэх тусламж дэмжлэгээ нэмэгдүүлэхээр амласан юм. 

Уулзалтыг зохион байгуулсан Япон улс Украинд 100 цэргийн ачааны машин болон бусад тээврийн хэрэгсэл, 30 мянга орчим армийн багц хүнс өгөхөө амласан байна. Түүнчлэн Украины шархадсан цэргүүдийг Японд эмчлэхээр болжээ. Мөн Украины дэд бүтцийг сэргээн босгоход чиглэгдсэн бүх талын тусламжийг үзүүлсэн хэвээр байна гэж Японы Ерөнхий сайд Фумио Кишида мэдэгдсэн байна. 

Энд дуулгахад, G7-ийн орнуудын дээд хэмжээний уулзалтыг Япон улс тавдугаар сарын 19-21-ний өдрүүдэд Хирошима хотод зохион байгуулсан юм. Энэ уулзалтад Зеленский цахимаар оролцоно гэсэн мэдээлэл гарсан ч удалгүй тэрбээр  биечлэн оролцох хүсэлт гаргажээ. Улмаар бямба гарагийн үдэш Зеленский Францын засгийн газрын онгоцоор Хирошимад газардсан байна.

Г.Бямбасүрэн