Бүгд Найрамдах Буриад улсад жуулчны урсгал энэ онд өнгөрсөн онтой харьцуулахад 30 хувиар нэмэгджээ. Энэ талаар Буриадын Аялал жуулчлалын сайд Алдар Доржиев ТАСС агентлагт ярьсан байна. 

Доржиевийн таамаглаж байгаагаар зуны улиралд жуулчны урсгал улам нэмэгдэх гэнэ. Буриадыг зорих жуулчдын ихэнх нь Оросын төв хэсгээс, хөрш мужуудаас ирж байгаа ч Монголоос ирэх жуулчдын тоо ч эрс нэмэгдсэн байна. Энэ онд Монгол, Хятадын аялал жуулчлалын салбарынхантай хамтран ажилласнаар жуулчны урсгаслыг улам нэмэгдүүлнэ гэж тооцоолж байгаа аж.

Доржиевийн өгүүлснээр, Буриадын байгаль жуулчдыг ихээр татдаг тул энэ улсад экологийн аялал жуулчлал болон явганаар аялах чиглэлийг эрчимтэй хөгжүүлж байгаа гэнэ. Өнгөрсөн онд жуулчид ихээр зорьдог бүс нутгуудад гурван одтой, 19 модуль зочид буудал байгуулжээ.

Г.Бямбасүрэн