Колумбид онгоц сүйрсний дараа амьд үлдсэн дөрвөн хүүхдийг 14 хоногийн эрлийн дүнд олжээ. Энэ талаар тус улсын Ерөнхийлөгч Густав Петро Твиттер хуудсандаа бичсэн байна. 

The Mirror сонины мэдээлснээр, хүүхдүүд том эгч болох 13 настай охины халамжийн ачаар амьд мэнд үлдэж чаджээ. Охин доороо 9, 4 нас, 11 сартай гурван эрэгтэй дүүтэй аж. Бяцхан хүүхдүүд аврагчид тэднийг олох хүртэл 16 өдрийг ширэнгэн ойд өнгөрүүлсэн байна. 

Тэд ээжтэйгээ зорчиж явсан Cessna 206 онгоц сүйрч, үүний дараа хоёр нисгэгч, ээж нь амиа алджээ. Ингээд хүүхдүүд онгоцноос гарч, ширэнгэн ойгоос гарах гэж оролдсон гэнэ. Охин навч, савх, үсний боолтоор саравч хийж, бороо орсон үед хорогддог байсан аж. Тэд онгоцноос гарахдаа бага зэрэг хүнс, хүүхдийн тэжээл авч гарсан байна. Хүүхдүүд 16 хоногийн туршид жимсээр хооллож байжээ.

Хүүхдүүдийг эрэн хайх ажилд 60 цэргийн алба хаагч, үнэрч ноход оролцсон гэнэ. Ослын дараа онгоцны сэгийг хайж эхэлсэн бөгөөд хүн амьд үлдсэн гэдгийг тэдний үлдээсэн мөр зэргээс олж тогтоожээ. Түүнчлэн хүүхдүүд ширэнгэнээс гарахыг хичээж, нэг байрандаа тогтож байгаагүй тул тэднийг олоход багагүй хүндрэл учирсан гэнэ. Тиймээс эрлийн ажилд гурван нисдэг тэрэг оролцуулж, нэг нисдэг тэргээр хүүхдүүдийн эм хүүхдүүдэд хандаж, байгаа газраасаа явалгүй тусламж хүлээ гэж хэлсэн бичлэгийг чанга яригчаар тоглуулж байсан аж.

Г.Бямбасүрэн