Бразилийн Сантос дахь оршуулгын газрын хоёрдугаар давхарт 2022 оны 12 дугаар сард нас барсан домогт хөлбөмбөгчин Пелегийн бунхныг нийтэд нээлттэй болгожээ. Энэ талаар The Mirror мэдээлсэн байна. 

Эх сурвалжийн мэдээлснээр, бунхан руу орох хэсэгт Пелегийн хоёр алтан баримлыг байршуулжээ. Дурсгалыг хүндэтгэх танхим нь цэнгэлдэх хүрээлэнгийн загвараар байгуулагдсан байна. Шалан дээр хиймэл зүлэг дэвсэж, ханан дээр хөгжөөн дэмжигчдийн зургуудыг наажээ. танхимын төв хэсэгт Пелегийн цогцос бүхий авс байх бөгөөд энэ авсыг цэвэр алтаар хийсэн аж.

Төлөвлөгөө ёсоор бунхныг оршуулгын газрын есдүгээр давхарт байгуулах байсан ч хөгжөөн дэмжигчид нь шүтээндээ хүндэтгэл үзүүлэхэд хялбар байлгах үүднээс ар гэрийнхнийх нь хүсэлтээр Пелег хоёрдугаар давхарт оршуулжээ. Энэ бунхан руу ороход урьдчилан захиалга өгөх бөгөөд өдөрт 60 хүнийг л нэвтрүүлэх гэнэ.

Пеле бол гурвантаа дэлхийн аварга болсон цорын ганц хөлбөмбөгчин юм. Тэрбээр 92 тоглолтод 77 гоол оруулснаараа Гиннесийн дээд амжилтын номонд бүртгэгдсэн. Тэрээр өнгөрсөн оны 12 дугаар сарын 29-ний өдөр таалал төгссөн юм. 

Г.Бямбасүрэн