Ираны гадаад хэргийн сайд Хоссейн Амирабдоллахян ОХУ-д удаа дараа дрон буюу нисгэгчгүй онгоц нийлүүлснийг өчигдөр хүлээн зөвшөөрчээ.Тэрбээр Тегеран хотод сэтгүүлчидтэй уулзахдаа “Украины дайн эхлэхээс хэдэн сарын өмнө бид цөөн тооны дроныг ОХУ-д нийлүүлж байсан” гэж хэлсэн байна. Сүүлийн саруудад Оросын тал Иранд үйлдвэрлэсэн камиказе дроноор Украины иргэний байгууламжуудад цохилт өгч байгаа аж. 

Цагаан ордны албаны хүмүүсийн мэдээлснээр, өнгөрсөн оны наймдугаар сараас хойш Иран улс 400 гаруй дрон буюу нисгэгчгүй онгоцыг Орос руу илгээсэн гэв. 

Иран Орост нисгэгчгүй онгоцноос гадна их бууны сум, танкийн сум зэргийг нийлүүлдэг бөгөөд сүүлийн хэдэн сард Иран Орос руу 300,000 их буу, олон сая сум илгээсэн хэмээв. 

Орос улс Иранаас нисгэгчгүй онгоц болон бусад зэвсгийг худалдаж авсан эсэхийг шууд няцааж байна. Хэрвээ Иранаас ирсэн нисгэгчгүй онгоцыг дайнд ашигласан гэх нотолгоо байгаа бол Украины тал үүнийгээ бидэнд өгөх хэрэгтэй. Энэ нь нотлогдвол бид асуудалд өөрөөр хандана” гэж Оросын тал хэлсэн байна.