Италийн нохой сургагчид нохдыг гудамжны хог цэвэрлэхэд сургаж байгаа гэнэ. Ингэснээр нохдыг хотын цэвэрлэгээнд ашиглахаар болсон талаар МИР24 суваг мэдээлжээ. 

Хог цэвэрлэгч нохдоос хамгийн алдартай нь Сицилид ажилладаг Bear дуудлагад хар лабрадор бөгөөд тэрбээр 1,5 настай, бүтэн жилийн хугацаанд эрчимжүүлсэн сургалтад хамрагдсан гэнэ. Нохойг гудамж, зам, нуурнаас хог түүж цуглуулахад сургасан байна. 

Bear дуудлагат нохой хуванцар хог хаягдлыг олж цуглуулан, эзэндээ авчирж өгдөг аж. Энэ нохой хот болон орон нутгийн нөхцөлд ч хог цуглуулах ажилдаа гаргууд гэнэ. Тиймээс түүний жишгээр бусад нохдыг сургаж, хог цуглуулах ажилд оролцуулахаар болжээ. 

Г.Бямбасүрэн