Бельги улс Оросын царцаасан хөрөнгөнөөс олсон орлого болох 200 сая еврог Украинд тусламж болгон илгээхээр болжээ. Энэ хөрөнгийг цэргийн нийлүүлэлт болон дүрвэгчдийг дэмжихэд зарцуулна гэж Бельгийн Ерөнхий сайд Александер де Кроо  Нидерландын Ерөнхий сайд Марк Рютте, Украины Ерөнхийлөгч Володимир Зеленский нарын хамт Гаагд зохион байгуулсан хэвлэлийн бага хурлын үеэр мэдэгдсэн байна.

Бельги улс Оросын 250 тэрбум евро орчим хөрөнгө болон санхүүгийн шилжүүлгийг царцаасан талаар өмнө нь мэдэгдэж байлаа. Энэ улсын эрх баригчид Оросын хөрөнгийг байршуулснаас олсон хүүгийн татварын орлогыг Украинд тусламж болгон илгээхээр шийдсэн байна. 

Хэвлэлүүдийн мэдээлснээр, Бельги улс Оросын хөрөнгийг нутагтаа байршуулсны татвараас 625 сая еврогийн орлого олжээ. 

Г.Бямбасүрэн