АНУ-д 1960 онд үйлдвэрлэсэн спорт загварын Chevrolet Corvette машиныг дуудлага худалдаанд оруулахаар болжээ. Энэ машиныг хоёр сая доллараар үнэлж байгаа юм байна. 

Chevrolet Corvette C1 машиныг Camoradi багийн захиалгаар машины уралдаанд зориулан бүтээсэн бөгөөд энэ машин GT аварга шалгаруулах тэмцээнд амжилттай оролцож байжээ. Түүнчлэн 1960 онд Куба болон Шведийн Гран-прид түрүүлж байсан гэнэ.

Шведэд уралдаанд оролцсоныхоо дараа машин осолд орж, машины хөдөлгүүр болон дамжуулах хайрцгийг авсан байна. Ингээд ийм байдалтайгаар 35 жил зогсож, дараа нь энэ машиныг засаж, хүчний агрегаттай болжээ.

1960 оны Chevrolet Corvette машиныг тэмцээнд оруулахын тулд 140 литрийн бактай зохион бүтээж байсан аж.

Г.Бямбасүрэн