Aerosmith рок хамтлаг сүүлчийн тоглолтоо хийнэ
Америкийн хард-рок урсгалын томоохон төлөөлөгч гэгддэг, гишүүд нь хэдийнэ 70 насны босгыг давсан Aerosmith хамтлаг сүүлчийн тоглолтоо хийж, тайзаа орхих болсон талаараа зарлажээ. Энэ талаар Rhe Mirror мэдээлсэн байна.
"Тавин жил, дэлхийг тойрсон 10 аялан тоглолтын дараа 100 сая гаруй шүтэн бишрэгчдээ сүүлчийн тоглолтоо хүргэх цаг нь иржээ" хэмээн Aerosmith хамтлагийн Твиттер дэх хуудсанд бичжээ. "Peace Out" нэртэй аялан тоглолт есдүгээр сарын хоёрны өдөр Филадельфигээс эхэлж, 2024 оны нэгдүгээр сарын 26-ны өдөр Канадын Монреал хотод өндөрлөх аж.
Aerosmith хамтлагийг 1970 онд Стивеном Тайлер, Жо Перри болон Том Хэмилтон нар байгуулж байв. Хард-рок, блюз-рок, глэм-рок, рок-н-ролл, глэм-метал урсгалаар уран бүтээлээ туурвидаг энэ хамтлагийнхан "Грэмми" шагналыг дөрвөнтөө хүртэж байсны дээр 2001 онд "Рок-н-роллын алдрын танхим"-д багтсан юм.
Г.Бямбасүрэн
СЭТГЭГДЭЛ БИЧИХ