Оросын Брянск мужид төмөр зам дэлбэлсний улмаас ачааны галт тэрэг замаасаа гарч, шатжээ. Энэ талаар Брянск мужийн эрх баригчид мэдэгдсэнийг ВВС агентлаг дамжуулсан байна. 

"Унеч районд Брянск-Унеча чиглэлийн төмөр замын 136 км дээр тэрсэх төхөөрөмж дэлбэрч, улмаар ачааны галт тэрэгний зүтгүүр замаас гарсан. Энэ хэргийн улмаас хүн бэртэж гэмтээгүй. Шуурхай албад газар дээр нь ажиллаж байна" хэмээн Брянск мужийн захиргач Александр Богомаз Телеграм хуудсандаа бичжээ.

Замын энэ хэсэг нь Украины хилээс 60 орчим километр зайд оршдог юм. Замын хэсэгт дэлбэрэлт болсны улмаас хөдөлгөөнийг зогсоожээ. Оросын төмөр замын мэдээлснээр, энэ хэргийн улмаас зүтгүүр шатаж, ачааны долоон вагон замаасаа гарсан байна. Энэ галт тэрэг Беларусийн Гомелиос Брянск руу чиглэн газрын тосны бүтээгдэхүүн, мод ачиж явжээ.

Брянск муж нь Украин болон Беларусьтай хиллэдэг. Төмөр зам дэлбэлсэн хэрэг нь Украины талынхан хорлон сүйтгэх ажиллагаа явуулсантай холбоотой гэж орон нутгийн эрх баригчид мэдэгджээ. 

Г.Бямбасүрэн