Төв аймгийн Мөнгөнморьт сумын Байдлаг багийн Юдэгийн дэнж гэдэг газарт 04 дүгээр сарын 30-нд хээрийн гал түймэр гарчээ. Тус аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар ангийн алба хаагчид, Мөнгөнморьт сумын Засаг даргын Тамгын газрын ажилтнууд, орон нутгийн иргэд хээрийн гал түймрийг унтраасан байна.

Мөн өдөр Увс аймгийн Давст сумын Торхилог багийн “Цагаанбулаг” гэдэг газар хээрийн гал түймэр гарсан байна. Тус аймгийн Онцгой байдлын газрын Давст сум дахь Эрэн хайх, аврах бүлгийн алба хаагчид, Давст сумын Засаг даргын Тамгын газрын ажилтнууд, орон нутгийн иргэд хээрийн гал түймрийг цурамд оруулсан байна.

Тухайн өдөр Төв аймгийн Эрдэнэ сумын Өгөөмөр багийн Туулын шугуй гэдэг газарт ой, хээрийн гал түймэр гарч, Налайх дүүргийн Онцгой байдлын хэлтсийн алба хаагчид, орон нутгийн иргэд унтраажээ.