Орост авто хуягт танкийн албаны дарга хурандаа Александр Денисов баривчлагджээ. Түүнийг танкийн хөдөлгүүр хулгайлсан хэрэгт сэжиглэж байгаа гэж Коммерсант мэдээлсэн байна. 

Эх сурвалжийн мэдээлснээр, 2021 оны 11 дүгээр сараас 2022 оны дөрөвдүгээр сарын хооронд Александр Денисов Т-90 танканд суурилуулах зориулалттай В-92С2 хөдөлгүүр наймыг хулгайлжээ. Тэрбээр үүнийг бусадтай хамтран үйлдсэн нь тогтоогдсон байна. Хурандаа танкны хөдөлгүүр хулгайлснаар улсад 20,5 сая рублийн хохирол учруулсан гэж мөрдөн байцаагчид үзсэн байна. 

Улмаар түүнийг бүлэглэн, онц их хэмжээний үнийн дүн бүхий луйвар хийсэн хэрэгт буруутгаж байгаа аж. Денисовын гэм буруу нь тогтоогдвол тэрбээр 10 хүртэлх жилийн хорих ял сонсож болзошгүй гэнэ. Харин Денисов гэм буруугаа хүлээн зөвшөөрөөгүй, түүнчлэн хоёр сар саатуулах шүүхийн шийдвэрийг давж заалдан, өргөдөг гаргажээ.

Г.Бямбасүрэн