Польшийн Прокурорын газар Оросын Элчин сайдын яам болон Худалдааны төлөөлөгчийн газрын данснаас мөнгийг нь татан, хурааж авчээ. Энэ талаар Польшид суугаа Оросын Элчин сайд Сергей Андреев мэдэгдсэнийг "Эрх чөлөө" радио дамжуулсан байна.

Андреевын өгүүлснээр, Элчин сайдын яам болон Худалдааны төлөөлөгчийн газрын Santander банкан дахь дансан дахь их хэмжээний злот болон доллараар байсан их хэмжээний мөнгийг Польшийн Прокурорын газрын данс руу шилжүүлсэн байсан гэнэ. Мөнгийг шилжүүлсэн талаарх мэдэгдлийг Оросын Элчин сайдын яам руу хүргүүлсний дараа Santander банк ЭСЯ-тай хамтран ажиллахаа зогсоож, дансуудыг хаасан гэж мэдэгджээ. Энэ нь Дипломат харилцааны тухай Венийн конвенцийг бүдүүлгээр зөрчсөн хэрэг гэж Польшид суугаа Оросын Элчин сайд Сергей Андреев мэдэгдсэн байна. 

Польш дахь Оросын Элчин сайдын яамны данснуудыг дайн эхэлсний дараахан буюу 2022 оны гуравдугаар сард царцаажээ. Польшийн эрх баригчид Оросын Элчин сайдын яамны данснаас гарсан мөнгийг терроризмийг санхүүжүүлэх эсвэл хууль бусаар олсон хөрөнгийг угаахад ашиглаж байж болзошгүй гэж үзсэний улмаас ийнхүү дансуудыг хаасан байна. Үүний хариуд ОХУ Москва дахь Польшийн элчин сайдын яамны данснуудыг царцааж байв. 

Г.Бямбасүрэн