Сүхбаатар аймгийн Эрдэнэцагаан суманд гарсан хээрийн түймэр Дорнод аймгийн Халхгол суманд тархаж, нэлээдгүй хохирол учрууллаа. Түймрийн утааны улмаас үзэгдэх орчин хязгаарлагдаж, зам тээврийн ноцтой осол гарчээ. 

Дорнод аймгийн Халх гол сумын II баг, Газрын тосны 21 дүгээр талбайн урд өчигдөр /2023.04.10/-ийн 13.50 цагт Beiben North Benz маркийн таван тээврийн хэрэгсэл мөргөлджээ. Ослын улмаас 50 настай, эрэгтэй “Б” гэмтэж, аймгийн Нэгдсэн эмнэлэгт ухаангүй эмчлэгдэж байгаад нас барсан байна.