Нийслэлийн Аялал жуулчлалын газар, БНСУ-аас Монгол Улсад суугаа Элчин сайдын яамтай хамтран 2023 оны наймдугаар сарын 25-27-ны өдрүүдэд Сүхбаатарын талбайд “Солонгосын соёл, аялал жуулчлалын өдрүүд” арга хэмжээг зохион байгуулахаар бэлтгэл ажилдаа ороод байна. 

Энэ үеэр БНСУ-ын хөвгүүдийн “Megamax” хамтлаг болон охидын “Witches” хамтлагууд уран бүтээлээ толилуулахаар боллоо. Хөвгүүдийн Megamax хамтлагийн хувьд 2021 онд “In Media” агентлагийн дэргэд байгуулагдаж, "Painted Love" цомог гаргасан. Тус хамтлагийн нэг гишүүн нь Монгол залуу Б.Баасанхүү буюу 칸 (Kan) гэдгээр сонсогч фенүүд нь сайн мэдэх биз ээ.