Нэгэн цагт Монгол Улсын парламент, Засгийн газрын гишүүн байсан Т.Бадамжунайг өнөөдөр эх оронд нь албадан авчирч байна. ЦЕГ, АТГ-ын албаныхан Т.Бадамжунайг Филиппин улсаас авчирч буй бөгөөд БНСУ-ын Инчеон нисэх буудлаар дамжин, өнөөдөр 10.55 цагт Улаанбаатарт бууна.

Засгийн газраас хэрэгжүүлж буй 5Ш ажиллагааны хүрээнд авлига, албан тушаалын гэмт хэрэгт холбогдож, эх орноосоо зугтсан албан тушаалтнуудыг албадан авчрах ажиллагаа Т.Бадамжунайгаар эхэлж байгаа нь энэ юм.