Монголын кино урлагийг өөд татахаар хууль батал зөвлөл байгуулсан нь хоёр жилийн өмнөх үйл явдал. Кино урлагийг дэмжих тухай хуулийг 2021 оны зун баталсан. Уг хуулиар Кино урлагийн үндэсний зөвлөлтэй. Зөвлөл нь 10 гишүүн, нэг даргатай. 

Энэ дагуу жилийн өмнө Соёлын сайдын тушаалаар Ч.Ундрал Кино урлагийн зөвлөлийг тэргүүлэхээр болсон. Ч.Ундрал даргатай Кино урлагийн зөвлөлийнхөн одоогоор Улаанбаатар хотын хамгийн үнэтэй гэгддэг оффисын нэг Шангри Ла-д тухалж, сарын ТАВАН сая 500 мянган төгрөгийн түрээс төлдөг. Мөн тус зөвлөлийнхөн өнгөрсөн хоёр сар ээлж дарааллан гадаад улсыг зорьж, зөвлөлийн хөрөнгийг тийз, буудал зэрэгт зарцуулж байгаагаа Шилэн дандаа мэдээлсэн байна. 

Тухайлбал, өнгөрсөн хоёрдугаар сард Кино урлагын зөвлөлийн ажлын албанаас Цалингийн зардлаас бусад таван сая төгрөгөөс дээш үнийн дүн бүхий зарлагын ТАВАН удаагийн мөнгөн гүйлгээ хийжээ. Нэг Шангри Ла компанид төлж байгаа сарын түрээс бол үлдсэн дөрөв нь гадаад томилолтын зардалд 26 сая төгрөг зарцуулсан байна. 

Харин гуравдугаар сард цалингийн зардлаас бусад таван сая төгрөгөөс дээш үнийн дүн бүхий зарлагын  найман гүйлгээ хийжээ. Нийт 73 сая төгрөгийн мөнгөн гүйлгээ хийгдсэн бөгөөд бүгд онгоцны тийз, зам хоногийн төлбөрт зарцуулсан байна. Ийнхүү төсвийн жил эхэлснээс хойш Кино урлагийн зөвлөл 100 сая төгрөгөөр гадаадад ажилласан тухайгаа Шилэн дансандаа мэдээлжээ. 

П.ГОО