Америкийн Relativity Spase компанийн бүтээсэн Terran 1 пуужинг Флорида дахь сансрын буудлын хөөрөх хэсэгт байршуулан, хөөргөхөд бэлэн болжээ. Энэ нь 3D принтерээр бүтээсэн, түүхэн дэх анхны пуужин тээвэрлэгч гэж ВВС мэдээлжээ. 

Тойрог замын нислэгт гарахаар бэлдэж буй Terran 1 нь 3D принтерээр хэвлэсэн анхны томоохон объект гэж компанийн мэдэгдэлд онцолсон байна. Пуужингийн урт нь 35 метр, жин нь 10 тонн орчим бөгөөд тойрог замын пуужингууд дундаас хамгийн жижиг пуужингуудын нэгд тооцогдож байгаа аж. Энэ пуужин дэлхий орчмын тойрог замд 1250 кг хүртэлх жинтэй ачааг хүргэх чадвартай, нислэг бүрийн өртөг 12 сая доллар болох гэнэ. 

Энэ нь бусад энэ төрлийн пуужингуудтай харьцуулахад харьцангуй хэмнэлттэй пуужинд тооцогдож байгаа юм. Харьцуулахад, Фэлкон9 пуужинг хөөргөх бүрт 67 сая доллар зарцуулагддаг аж. Гэхдээ Фэлкон пуужин тойрог замд хүргэх ачаа нь 22 тонн хүрдэг юм байна. 

Г.Бямбасүрэн