Колумбын дуучин 45 настай Шакирагийн сүүлийн үеийн уран бүтээл түүний экс нөхөр Жерар Пике рүү чиглэж байгаа нь олны анхаарлыг татаад байгаа юм.

Тэрбээр хөлбөмбөгчин Пикегээс салсныхаа дараа хийсэн анхны шинэ уран бүтээлээ өчигдөр /2022.10.20/ цацсан. Уг дууны дахилтад үргэлж олны анхаарлын төвд байхыг хүсдэг, хайртаа бүсгүйгээ тоодоггүй, хүйтэн залуугийн тухай өгүүлжээ. Мөн “Чи өөрийгөө дөвийлгөх эмгэгээсээ болж намайг орхисон. Бид ямар сайхан байсныг чи мартжээ. Бид салахаас өөр аргагүй болсон. Хайр дурлал минь үнс болон хувирсан” гэхчлэн түүний шинэ дуу үргэлжилнэ.  Энэ нь  салсан нөхөр Пикед зориулсан гэж шинжээчид үзэж байгаа юм.  

Харин хоёр хоногийн өмнө Карол Житэй хамтран дуулсан “TQG” уран бүтээлээ Youtube-т байршуулсан билээ. Тэдний дуу Youtubed цацагдаад ердөө хоёр хонож байгаа хэдий ч 81 сая давсан үзэлттэй болсон байна. Дууны нэрний утга учир нь “The Quedo Grande” буюу “Би чамд томдоно” гэсэн утгатай. Энэ дуунд мөн л салалтын дараах сэтгэл гутрал, эксдээ гомдсон сэтгэлийн шаналалыг харуулдаг аж.

Тэд өнгөрсөн зун хамтын амьдралдаа цэг тавьж буйгаа зарласан юм. Улмаар дуучин бүсгүй салалтын дараах шаналлаа уран бүтээлээрээ илэрхийлж гаргах болсон байна.