Цагдаагийн байгууллагад 2023 оны 02 дугаар сарын 23-ны өдрийн 05.46 цагт Баянгол дүүргийн зургаадугаар хорооны нутаг дэвсгэрт байрлах байрны долоодугаар давхарт газ дэлбэрч, гал гарсан байна тухай дуудлага иржээ. Дуудлага, мэдээллийг тус дүүргийн цагдаагийн газрын хоёрдугаар хэлтсээс шалгахад тухайн айлын зулнаас гал алдаж, өрөөний дулааны шугам хэт халалтын улмаас дэлбэрчээ.

Үүнээс үүдэн тус тоотын доод давхрын айлын өрөөний тааз хэсэг цөмөрч, гадна зогсоолд байсан Тоёота маркийн хоёр тээврийн хэрэгсэл дээрээс хагарсан шил зэрэг эд зүйл унаж эвдрэл үүссэн хэрэгт мөрдөн шалгах ажиллагаа явуулж байна.

Ослын улмаас хүний биед гэмтэл, бэртэл учраагүй байна.