Даваа гарагт Турк, Сирид 7,8 магнитудын хүчтэй газар хөдлөлт болсон. Ихээхэн сүйрэл дагуулсан энэ газар хөдлөлтийн дараа Туркийн шуурхай албад олон улсын багуудтай хамтран эрэн хайх, аврах ажиллагаагаа үргэлжлүүлсээр байна. 

Андолу агентлагийн мэдээлснээр, Туркийн Үндэсний эмнэлгийн аврах баг Хатай-Кырыкханд эрэн хайх, аврах ажлаа үргэлжлүүлж, газар хөдлөлт болсноос хойш 68 цагийн дараа барилгын нуранги дороос зургаан хүнийг эсэн мэнд гаргажээ. Тэдний гурав нь хүүхэд байсан аж. 

Үндэсний эмнэлгийн аврах баг эрэн хайх, аврах ажиллагаагаа үргэлжлүүлж байх үедээ нурангин дороос гарах чимээг сонссон гэнэ. Ингээд нурангийг зайлуулж, газар хөдөлснөөс хойш 68 цагийн туршид нурангинд даруулсан байсан зургаан хүнийг аварчээ. Тэдэнд анхны тусламж үзүүлсний дараа эмнэлэгт хүргэсэн байна.

Г.Бямбасүрэн