Дэлхий даяар хар тамхи зэрэг хориотой бодисыг илрүүлэхэд үнэрч нохойг ашигладаг. Харин тэднээс ч илүү үнэрлэх чадвартай нэгэн амьтныг Хятадын цагдаагийнхан сурган авчээ. SCMP сонины мэдээлснээр, Чунцин хотын цагдаагийн газар хар тамхийг үнэрлээд илрүүлэх зургаан хэрмийг сургаж дууссан гэнэ.

Цагдаагийнхны өгүүлснээр, хэрэмнүүд нохдоос ч илүү хориотой бодисыг хайх чадвартай аж. Бяцхан үнэрч амьтад ноход ороход хэцүү завсар зайгаар орж, хар тамхи олж чадах бөгөөд хар тамхи олмогцоо бодис агуулагдаж байгаа сэжиг бүхий сав баглааг самарддаг гэж цагдаагийнхан мэдэгджээ. 

Хятадад хар тамхи хориотой байдаг, цагдаагийнхан энэ хориотой бодисыг олохын тулд 120 гаруй үүлдрийн нохдыг ашигладаг юм байна 

Г.Бямбасүрэн