УИХ-ын гишүүн Т.Доржханд Сүхбаатарын талбайд "Хамтдаа өөрчилье" аян эхлүүлж байгаа талаараа олон нийтэд хандан мэдээлэл хийлээ. 

Түүний зүгээс ""Хамтдаа өөрчилье" аяныг өнөөдрөөс эхлүүлж байна. Улстөрийн намууд, УИХ-ын гишүүд тойрог ажиллаж байгаа нэрээр бэлэг тарааж байна. ХҮН нам бэлэг тараахгүй, мэдээлэл түгээхээр есөн дүүрэг, 21 аймгийн иргэдтэйгээ уулзана. Автобус, воган, гудамжаар явж сонингоо тараана. Сонинд Үндсэн хууль гэж юу вэ? Хэдэн онд яаж өөрчилсөн юм. Одооний өөрчлөлт нь ямар агууллагатай юм бэ? Ямар үр дүнд хүрэх вэ? гэх агууллагыг  багтаасан.  Мэдээлэл зөрүүтэй байгаагаас тогтолцоо буруу тийшээ явах гээд байна. Нүүрс, Хөгжлийн банкны хэрэгт хариуцлага тооцох асуудал орхигдож мартагдах гээд байна. Иймээс бид нийгмээрээ ижилхэн мэдээлэлтэй байх ёстой. Нэгдүгээрт, шинэ Үндсэн хуулийг хийх хууль эрхзүйн орчин байхгүй. Хоёрдугаарт, язгууртнуудын авч ашигладаг дээд доод танхим байж болохгүй. Иймд иргэдээ мэдээлэлжүүлэхээр сонингоо тараана.

Бидэнд эдийн засгийн зөв бодлого л хэрэгтэй. Суурь асуудлаа шийдэхгүйгээр цаашид ч хулгай гарна" гэлээ.