Хойд Солонгосын нийслэл Пхеньянд томуу, амьсгалын замын вирусийн халдварын тохиолдол эрс нэмэгдсэний улмаас тав хоногийн хугацаатай хөл хорио тогтоожээ. Энэ талаар БНАСАУ-ын засгийн газрын мэдэгдлээс иш татан NK news мэдээлсэн байна. 

Эх сурвалжийн мэдээлснээр, хөл хорио нэгдүгээр сарын 25-ны өдрөөс эхлэн энэ долоо хоногийг дуустал үргэлжлэх аж. Мэдэгдэлд томуу, томуу төст өвчин тархсан гэж мээдэлсэн харин коронавирусийн халдвар гэсэн үг байгаагүй гэнэ. Хөл хорио тогтоосон үед оршин суугчдыг гэрээс гарахыг хориглож, өдөрт хэдэн удаа халуунаа хэмжихийг үүрэг болгожээ. 

Энд дуулгахад, цар тахал дэгдсэнээс хойш Хойд Солонгос хилээ хааж, коронавирусийн халдвар огт бүртгэгдээгүй хэмээн мэдэгдэж байлаа. Улмаар 2022 оны дөрөвдүгээр сард л анх удаа ковид гарсныг албан ёсоор зарлаж байв.

Г.Бямбасүрэн