Хятадад урьд өмнө нь бүртгэгдэж байгаагүй хүйтэн өдөр тохиожээ. Нэгдүгээр сарын 22-ны өдөр, Хятадын хамгийн хойд зүгийн нутаг болох Мохэ хотод Цельсийн -53 хэм хүрч хүйтэрсэн байна.

Жэнминь жибао сонины мэдээлснээр, Хар мөрөн мужийн Мохэ хотод нэгдүгээр сарын 22-ны өдөр Цельсийн -53 хэм хүрч хүйтэрсэн нь Хятадад цаг уурын ажиглалт хийж эхэлснээс хойших хамгийн өндөр үзүүлэлт аж. Өмнө нь мөн л энэ хотод Цельсийн -52,3 хэм хүрч хүйтэрсэн нь хамгийн хүйтэнд тооцогдож байжээ.

Эх сурвалжийн мэдээлснээр, Хар мөрөн мужид сүүлийн өдрүүдэд эрс хүйтэрч, Их Хянганы уулсын нутгуудаар түүхэн дэх хамгийн хүйтэн өдрүүд тохиосон байна.

Г.Бямбасүрэн