Хөгжлийн банкны асуудлаарх Хянан шалгах түр хорооны сонсгол өнөөдөр тав дахь өдрөө үргэлжилж байна. Өнөөдрийн сонсголоор дараах 12 компанийн зээлийн асуудлыг авч хэлэлцэнэ 

Сонсголын эхэнд  "Сэлэнгийн герефорд" ХХК зээлийн асуудлыг хэлэлцэж байна. Тус компани 4,1 тэрбум төгрөгийн зээлийг 2018 онд дөрвөн жилийн хугацаатай авсан байна. Одоогоор зээлийн эргэн төлөлт ТЭГ. 

Хөгжлийн банк:   "Сэлэнгийн герефорд" ХХК-ийн зээлийн зарцуулалт нотлогддоггүй, холбогдох баримт бичгээ гаргаж өгдөггүй. 2022 оны дөрөвдүгээр сарын 8-аас хойш зээл төлүүлэх асуудлыг тавьж, Иргэний хэргийн шүүхэд нэхэмжлэл гаргаж өгсөн. Шүүх хурлын процесс нь эхлээгүй байна. 

Үүний дараа "Изинис эйрвэйз" ХХК-ийн Агаарын тээврийн үйл ажиллагааг өргөжүүлэх, үнэ тарифыг бууруулах замаар зорчигч урсгал, аялал жуулчлалыг хөгжүүлэх, экспорт, импортыг дэмжих төсөлд олгосон зээлийг асуудлыг хэлэлцэж байна. Тус компанин хөгжлийн банкнаас 22 тэрбум 915 сая төгрөгийг 2019 онд авсан байна. Хүү 12,92 хувь. Одоогоор үндсэн зээлээс төлөлт хийгдээгүй АНХААРАЛ хандуулах ангилалд орсон байна. Тус компани нь хоёр хувьцаа эзэмшигчтэй бөгөөд иргэн Т.Эрдэнэ 70 хувь, иргэн Э.Золзаяа 30 хувийг тус тус эзэмшдэг байна.

Зээлийн зарцуулалт: 22 тэрбум төгрөгөөс 7,5 тэрбум төгрөгийг бусад банк дахь зээл хаахад зарцуулсан бол 1,7 тэрбум төгрөгийг бэлнээр авсан байна. 

Хянан шалгах түр хорооны дарга Б.Энхбаяр: "Бадрах ойл" компанид 1 тэрбум төгрөг шилжүүлсэн. Тус компани нь 852,7 сая төгрөгөөр зээлээ хаасан. "Бадрах ойл" компани хэний эзэмшлийнх вэ? 

"Изинис эйрвэйз" ХХК-ийн  хувьцаа эзэмшигч Э.Золзаяа:  "Бадрах ойл" компани хэнийх гэдгийг мэдэхгүй. Тодруулж хэлэхэд,  "Изинис эйрвэйз" компани Хөгжлийн банкнаас зээл авахад миний бие санхүү хариуцдаггүй байсан, нөгөө хувьцаа эзэмшигч Т.Эрдэнэ санхүүгээ хариуцдаг байсан. 

Хянан шалгах түр хорооны дарга Б.Энхбаяр: "Бадрах ойл" компанийн Жаст Ойл компанийн хэрэг нь сая шийдэгдсэн. Жастын Г.Батхүүгийн зээлийн хөрөнгөд хураагдсан ШТС-ыг авсан компани мөн үү? 

Гэрч:  "Бадрах ойл" компани хэнийх гэдгийг мэдэхгүй.

Хянан шалгах түр хорооны дарга Б.Энхбаяр: Тэгвэл хамаарал бүхий байдлын танилцуулгыг өгье. Үүний дараа зээлийн зарцуулалтыг ярихгүй бол болохгүй нь. "Изинис эйрвэйз" компанийн хувьцаа эзэмшигч гүйцэтгэх удирдлагыг танилцуулъя. Идэвхтэй хувьцаа эзэмшигч Э.Золзаяа хүрэлцэн ирсэн байна. 70 хувийг эзэмшдэг Т.Эрдэнэ гэж хүн байна. Т.Эрдэнэ нь  "Тесла солар монголиа"-г 100 хувь, "Монголиа эйрвиз интернешнл"-ыг 80 хувийг /10 хувийг Бямбадорж, 10 хувийг Н.Ганбаатар агсан/, Наранбетон зуурмаг компанийн 54 хувийг, Сарнайх компанийн 34 хувийг /64 хувийг Ү.Сарнай/ эзэмшиж байна.  

Ү.Сарнай гэдэг хүнийг та мэдэх үү? 

"Изинис эйрвэйз" ХХК-ийн  хувьцаа эзэмшигч Э.Золзаяа: Мэднэ

Хянан шалгах түр хорооны дарга Б.Энхбаяр: Тантай ямар хамааралтай хүн бэ?

"Изинис эйрвэйз" ХХК-ийн  хувьцаа эзэмшигч Э.Золзаяа: Манай нөхрийн ээж

Хянан шалгах түр хорооны дарга Б.Энхбаяр: Хадам ээж гэсэн үг тэ. 

"Изинис эйрвэйз" ХХК-ийн  хувьцаа эзэмшигч Э.Золзаяа: Тиймээ

Хянан шалгах түр хорооны дарга Б.Энхбаяр:  Таны нэр дээр "Экомогул" компани байна. Энэ компанийн 30 хувийг Л.Элдэв-Очир эзэмшиж байна. Л.Элдэв-Очир гэдэг нь таны аав мөн үү? 

"Изинис эйрвэйз" ХХК-ийн  хувьцаа эзэмшигч Э.Золзаяа: Мөн

Хянан шалгах түр хорооны дарга Б.Энхбаяр: УИХ-ын гишүүн байсан Л.Элдэв-Очир мөн үү

"Изинис эйрвэйз" ХХК-ийн  хувьцаа эзэмшигч Э.Золзаяа: Мөн

Хянан шалгах түр хорооны дарга Б.Энхбаяр: УИХ-ын гишүүн байсан Л.Элдэв-Очир мөн үү. "Экомогул" компанийг Л.Уранцэцэг, Э.Анхзаяа, Э.Ариунзаяа, Э.Намсрайдорж, Ш. Хишигжаргал гэсэн хувьцаа эзэмшигч байна. Э.Анхзаяа, Э.Ариунзаяа, Э.Намсрайдорж нар нь таны хамаарал бүхий хүмүүс мөн үү? 

"Изинис эйрвэйз" ХХК-ийн  хувьцаа эзэмшигч Э.Золзаяа: Миний төрсөн эгч дүүс

Хянан шалгах түр хорооны дарга Б.Энхбаяр:  "Изинис эйрвэйз" Т.Эрдэнэ гэдэг хүнийг таних уу? 

"Изинис эйрвэйз" ХХК-ийн  хувьцаа эзэмшигч Э.Золзаяа: Танина хамт "Изинис эйрвэйз" ХХК-ийн  хувьцааг эзэмшдэг.

Хянан шалгах түр хорооны дарга Б.Энхбаяр: Т.Эрдэнэ бол "Сарнайх" компанийн  34 хувийг эзэмшдэг. "Сарнайх" нь ТЕГ-ын даргаар ажиллаж байсан Батын Хурцын гэр бүлийн хүн нь. Батын Хурц нь таны хадам аав. Б.Хурц нь Т.Эрдэнэтэй ямар хамааралтай вэ? 

"Изинис эйрвэйз" ХХК-ийн  хувьцаа эзэмшигч Э.Золзаяа: "Изинис эйрвэйз" ХХК-ийн  хувьцааг эзэмшигч Т.Эрдэнэ Б.Хурцын хамаатных нь дүү