Засгийн газраас Хүүхдийн мөнгөний асуудлаар мэдээлэл хийлээ. Сангийн сайд Б.Жавхлан “Иргэд өрхийн мэдээллээ засуулахаар идэвхтэй ажиллаж байна. Энэ нь ажилд сайн үр дүн өгч байна.

Яг одоогийн байдлаар 1 095 352 хүүхдийн мөнгөний гүйлгээ эхэлж, дансанд нь орж байна. Нийт хүүхдийн 87 хувийн дансанд өнөөдөр мөнгө орно. Үлдсэн 43 820 хүүхдийн мэдээллийн давхардал, зөрүүтэй байдалд ажиллаж байна" гэдгийг мэдээлэв.

Иргэдийн мэдээллийг засаж залруулах шуурхай баг ажиллаж байна. 2023.01.18-ны байдлаар И-Монгол системээр 52 319 хүсэлт ирсэн бол 19 906 иргэн өөрийн биеэр, утсаар 19 263 иргэн холбогдох байгууллагад ханджээ. Өчигдөр 11 388 иргэний мэдээллийг засварлаж, өнөөдөр Хүүхдийн мөнгөн тэтгэмжийг шилжүүлж байгаа аж.