2020 оны наймдугаар сараас хойш "хөлөө жийлцсэн" АН-ынхан дахин намын даргын сунгаан зарлалаа. Энэ удаагийн үйл ажиллагааг С.Эрдэнэ, Х.Баттулгын тал үгүйсгэж байгаа ч өчигдөр орой АН-ын дараагийн даргад нэр дэвшигчдийг зарлаж, үнэмлэхийг гардууллаа.
Өнгөрсөн оны төсгөлд УИХ дахь Ардчилсан намын бүлгийн гишүүд санаачлан "Эв нэгдлийг хангах" ажлын хэсэг байгуулсан. Энэхүү ажлын хэсэгт зөрчилдөгч талуудын оролцоог хангана хэмээн мэдэгдэж, ажлын хэсгийн даргаар УИХ-ын гишүүн Ж.Батсуурь ажиллаж эхэлсэн. Улмаар өнгөрсөн долоо хоногт Ардчилсан намын ҮБХ-г хороог хуралдуулж, өчигдөр намын даргад нэр дэвшигчдийг зарлалаа. Гэвч "Эв нэдлийг хангах" ажлын хэсэгт зөрчилдөгч тал бол болох Х.Баттулга, С.Эрдэнэ нар орсонгүй.
Үүнд эгдүүцсэн Ерөнхийлөгч асан Ц.Элбэгдорж "Хөөе, С.Эрдэнэ ээ, Х.Баттулга аа! Би ч орно. Гурвуулаа хол байя. Жолоогоо татъя. Ардчилсан намын ҮБХ-ны гишүүд өөрсдөө намын даргаа сонгог ээ. Элдэв тайлбар, шалтгаан, оролцоо энд илүүц. Гишүүддээ итгэе. Боломж олгоё. Тэд чаднаа. Ардчилалтай, хүчирхэг Ардчилсан нам Монголд хэрэгтэй" хэмээв.
Үйл явцаас өмнө Х.Баттулга ба түүний нөхөд гурван шатны шүүхээс ял аваад цагаадсан С.Баярцогтыг, мөн түүнийг цагаатгасан УДШ-ийн Ерөнхий шүүгч Д.Ганзоригийг шалгуулахаар Үндсэн хуулийн цэцэд өөрийн биеэр өргөдөл өгсөн. Нэг үгээр С.Баярцогт Ардчилсан намын ҮБХ-ны гишүүдийн толгойг эргүүлж байна гэж тэр хэллээ.
Харин С.Эрдэнийн талынхан өчигдөр ҮБХ хорооны хуралдааны зар тараав. Тодотгон хэлбэл С.Эрдэнийн талынхан өнөөдөр 11:00 цагт танхим болон цахимаар АН-ын ҮБХ-г хуралдуулах гэнэ.
Ийнхүү Х.Баттулга, С.Эрдэнэ нарын францтай эвээ олоогүй "Эв нэгдийг хангах" ажлын хэсгийнхэн Ардчилсан намын даргад нэр дэвшигчдийг зарлалаа. Ирэх өдрүүдэд Х.Баттулга, С.Эрдэнэ нарын оролцоогүйгээр С.Одонтуяа, С.Баярцогт, З.Нарантуяа, Л. Гантөмөр нар Ардчилсан намын даргын төлөө өрсөлдөхөөр болж байна...
П.ГОО
| Уншиж байна |