Дайн эхэлснээс хойш Украинд амиа алдсан хүний тоо 7000-ыг давсан гэж НҮБ-ын Хүний эрхийн дээд комиссарын газрын шинэ илтгэлд өгүүлсэн талаар Ройтерс агентлаг мэдээлжээ. 

Илтгэлд онцолсноор, 7000 гаруй гэдэг тоо нь гагцхүү баримтаар баталгаажсан тохиолдлыг илтгэж байгаа аж. Байлдааны ажиллагаа эрчимтэй өрнөж буй газруудаас мээдэлэл хүлээн авахад тун хүнд байгаа тул амиа алдсан хүний тоо бодит байдал дээр хэд дахин их байж болзошгүй хэмээн НҮБ-ын Хүний эрхийн дээд комиссарын газар мэдэгдсэн байна. 

Дээд комиссарын газрын тайланд өгүүлснээр, 2022 оны хоёрдугаар сарын 24-нөөс энэ оны нэгдүгээр сарын 16-ны өдрийг хүртэлх хугацаанд Украинд 7031 энгийн оршин суугч тэр дундаа 433 хүүхэд амиа алджээ. Харин 11327 энгийн иргэн шархадсанаас 827 нь хүүхэд байгаа аж.

Г.Бямбасүрэн