УИХ-ын гишүүн М.Оюунчимэг хүүхдийн мөнгөний асуудлаар байр сууриа илэрхийллээ. Тэрбээр "Хүүхдийн мөнгөн тэтгэмж олгох асуудалд олон нийт бухимдалтай хандаж байна. УИХ 2023 оны Монгол Улсын төсвийг батлахдаа нийт хүүхдийн 91 хувьд нь хүүхдийн мөнгө олгохоор болсон. Гэтэл асуудал үүсч, холбогдох газрууд зохион байгуулалтгүй ажиллаж байна.

Тиймээс хүүхдийн мөнгөтэй холбоотой асуудлыг УИХ-ын Нийгмийн бодлогын байнгын хороо хэлэлцэх асуудлынхаа дараалалд оруулж, холбогдох яамдын мэдээллийг сонсож, яаралтай арга хэмжээ авч ажиллах болно" хэмээн мэдэгджээ.