Netfliх-ийн цуврал ‘The Glory’ киноны жүжигчин Лим Жи Ён нь тус киногоор сүүлийн үед олны хараанд өртөж  байгаа билээ. Үзэгчид түүний киноны дүрийг үзэн яддаг ч бодит амьдрал дээр тэс өөр байсан нь түүний жүжиглэлт үнэхээр сайн болохыг илтгэж байгаа юм. 

Тэрбээр тус кинонд эсрэг дүрийг бүтээж байгаа ч бодит амьдрал дээр маш сайхан сэтгэлтэй гэдгээрээ алдартай нэгэн юм.

Жүжигчин Лим Жи Ён нь 1990 оны зургадугаар сарын 23-нд төрсөн, энэ жил 33 нас хүрэх юм.

Ахлах сургуульд нэг анги байсан хүүхдүүд нь Жи Ёнийг эелдэг зан чанартай хэмээцгээдэг. Сургуулийн аялал, үйл ажиллагаанд сайн дураараа хөтлөгчөөр ажилладаг байжээ.

Лим Жи Ён EXO хамтлагийн гишүүн Сухотой хамт нэг коллежид  суралцдаг байжээ. 

Ахлах сургуулийн төгсөлтийн зураг цацагдаж олны анхаарлын төвд орж байв. 

2014 онд тоглосон “Obsessed” нэртэй кино нь түүний анхны гол дүр байсан. Түүнээс өмнө маш олон кинонд туслах дүрд тоглож байжээ. ‘Obsessed’ киноны дүрээрээ ‘Beaksang Arts Award’-аас ‘Шилдэг шинэ жүжигчин’ шагналыг авсан.

Түүнээс хойш тасралтгүй драма, кинонд тоглосоор энэ жил ‘The Glory’ кинонд жүжигчин Сон Хе Гётой хамтран тоглосон юм.