Өмнөд Солонгосын дуучид зөвхөн уран бүтээлээрээ төдийгүй мөн загварын болон гоо сайхны төрхүүдээрээ дэлхийн өнцөг булан бүрийн шүтэн бишрэгчдийн сэтгэлийг булаадаг. Хэдий тэдний стилл имижийг харахад нүд гялбам тод өнгө, гялалзсан нүүр будалт төсөөлөгддөг. Тэгвэл Солонгосын хамгийн эрүүл, гялалзсан үстэй зургаан одыг энэ удаад онцолсон байна.  

NewJeans- ийн Минжи

Дебютээ хийгээд удаагүй байгаа ч олныг шуугиулж байгаа Newjeans хамтлагийн гишүүн Минжи тодорсон байна. Тус хамтлагийн гишүүд бүгд урт намирсан эрүүл үстэй харагддаг. Минжигийн хувьд урьд өмнө нь үсээ огт будуулж байгаагүй гэнэ. 

TWICE хамтлагийн Дахён

Бас нэгэн охидын алдартай хамтлагуудын нэг бол Twice юм. Хамтлагийн гишүүн Дахёны хувьд шаргал үсээрээ алдартай нэгэн. Тэрбээр шаргал өнгөнөөс гадна нил ягаан, ягаан өнгөөр үсээ будуулдаг байсан хэдий ч сүүлийн жилүүдэд үсээ огт будуулахгүй эрүүл хэвээр нь байлгахыг илүүд үзжээ. 

LE SSERAFIM-ийн Hong Eunchae

Eunchae-ийн хувьд хүмүүст хамгийн их таалагддаг зүйл нь нүд болон үс нь юм. Тэрбээр үсээ мөн огт будуулж байгаагүй байна. Тэр ч утгаараа үс нь намирсан эрүүл зөөлөн харагддаг байна. 

Ай Ю

Алдарт дуучин Ай Югийн хувьд үсний өнгөө олон удаа сольж будуулж байсан. Гэсэн хэдий ч сүүлийн жилүүдэд үснийхээ өнгийг солиулахгүй зөвхөн өөрийнхөөр нь байлгахыг илүүд үзжээ. Зарим тохиолдолд үсээ цайруулснаас болж маш их гэмтэж байсан ба тэр үед маш ихээр сэтгэлийн хямралд орж байсан гэдэг. 

Blackpink Жисү 

Тус хамтлагийн гишүүд улирал тутамдаа үсний өнгө, гадаад имиждээ анхаарал хандуулж хэв маягаа өөрчилдөг. Үүнээс хамтлагийнхаа гишүүдээс хамгийн бага үсээ будуулж байсан гишүүн бол Жисү юм. Тэрбээр үсээ нил ягаан, улаан зэрэг өнгөөр үсээ будуулж байсан ч ихэнхдээ үсээ эрүүл, өөрөөр нь байлгахыг хүсдэг байна.