Рок хөгжмийн түүхэн дэх хамгийн алдартай гитарчдын нэг Жефф Бек 78 насандаа таалал төгссөн талаар Variety мэдээлжээ. 

Рок домог таалал төгссөн талаарх мэдээлэл түүний Твиттер хуудсан дээр гарсан байна. "Жефф Бек таалал төгссөн талаарх гунигт мэдээг гэр бүлийнхнийх нь өмнөөс дуулгаж байна. Бактерийн менингитийн халдвар гэнэт авсны дараа тэр өчигдөр таалал төгслөө " хэмээн мэдэгдэлд өгүүлжээ. 

Бек саяхан Жонни Депптэй хамт гаргасан "18" цомгийнхоо аялан тоглолтыг дуусгасан юм. Тэрээр нийтдээ долоон удаа Грэмми шагнал хүртэж байв. 

Бек Суррейд төрсөн, багаасаа л өөрөө хийсэн гитараар тоглодог байжээ. 1965 онд Британийн Yardbirds хамтдлагт тоглож байгаад хожим нь Jeff beck Group хамтлагаа байгуулсан. 

Г.Бямбасүрэн